विद्यालय शिक्षा ऐन जारी गर्नुपर्नेलगायतका माग गर्दै शिक्षकहरु आन्दोलनमा

काठमाडौं—विद्यालय शिक्षा ऐन जारी गर्नुपर्नेलगायतका माग गर्दै शिक्षकहरु आन्दोलनमा उत्रिएका छन् । बुधबार शिक्षकहरुले काठमाडौंका विभिन्न ठाउँहरुबाट जुलुसहरु निकालेर माइतीघर मण्डला एकत्रित भएका छन् ।

शिक्षक महासंघको नेतृत्वमा आयोजित ¥यालीहरु माइतीघर मण्डलामा पुगेर धर्नामा परिणत भएका छन् । महासंघले आन्दोलनमा झण्डै डेढ लाख शिक्षकहरु सहभागी रहेको जनाएको छ ।

आन्दोलनमा बिहीबार थप शिक्षकहरु थपिने आँकलन महासंघको छ । महासंघले आन्दोलनको व्यवस्थापनका लागि ८०० स्वयंसेवक परिचालन गरेको छ ।

शिक्षक महासंघको आन्दोलनका कारण नयाँबानेश्वर, माइतीघर क्षेत्रको यातायात अस्तव्यस्त बनेको छ ।