६ वर्षपछि विपीमा १९५ जना शिक्षकको एक तह बढुवा

काठमाडौं—धरानस्थित विपी कोइराला स्वास्थ्य विज्ञान प्रतिष्ठानमा ६ वर्षपछि १९५ जना शिक्षकको एक तह बढुवा भएको छ ।

प्रतिष्ठानकी प्रवक्ता प्रा.डा. अन्जु प्रधानकाअनुसार विपीका १ सय ९१ शिक्षक तथा कर्मचारीहरुको फाइल मुल्यांकन र अन्तर्वार्ता प्रक्रियाबाट आन्तरिक रुपमा एक तह बढुवा गरिएको हो ।

यस्तै, विपीमा कर्मचारीतर्फ स्थायी, परफर्मेन्स करार र करारका गरी ४०९ जनाको एक तह बढुवा भएको छ भने ३०९ जनाको स्तरवृद्धि भएको डा. प्रधानले जानकारी दिइन् । २७ असारमा उनीहरुको बढुवा भएको हो ।

विपीमा शिक्षकको ६ वर्ष र कर्मचारीको १४ वर्षपछि बढुवा भएको छ ।