अब कक्षा ९ कै रजिस्ट्रेसन नम्बरलाई कक्षा १२ सम्म निरन्तरता दिने बोर्डको तयारी, ११ मा भर्न नपर्ने

काठमाडौं । अब कक्षा ११ मा रजिष्ट्रेसन फारम भर्न नपर्ने भएको छ । राष्ट्रिय परीक्षा बोर्डले कक्षा ९ मा भरेको रजिस्ट्रेसनलाई नै माध्यमिक तहसम्म लागू हुने गरी तयारी थालेको हो ।

यसअघि बोर्डले कक्षा ९ मा कक्षा ११ मा बेग्लाबेग्लै रजिस्ट्रेसन फारम भराउँदै आएको थियो ।

अब विद्यार्थीले कक्षा ९ मा भरेको फारम कक्षा १२ सम्म लागू हुने गरी बोर्डले काम गरिरहेको बोर्डका अध्यक्ष महाश्रम शर्माले जानकारी दिए । ‘अब दोहोरो रजिस्ट्रेसन फारम भर्ने झन्झटबाट मुक्त पार्दै छौँ,’ उनले भने, ‘यसका लागि प्राविधिक अध्ययन भइरहेको छ यदि अध्ययनले सकारात्मक परिणाम देखिने भयो भने त्यसलाई लागू गर्नेछौँ ।’