आजबाट एसईई परीक्षा सुरु, पाँच लाखभन्दा बढी विद्यार्थी सहभागी

काठमाडौं । आजबाट माध्यमिक शिक्षा परीक्षा (एसईई) को सुरु भएको छ । राष्ट्रिय परीक्षा बोर्ड (कक्षा १०) द्वारा सञ्चालित यसवर्षको एसईई सुरु भएको हो ।
आज पहिलो दिन देशभर अनिवार्य अंग्रेजीको परीक्षा भइरहेको छ । यो वर्षको एसईईमा पाँच लाख १४ हजारभन्दा बढी विद्यार्थी सहभागी भइरहेका छन् ।

अधिकांशले नेपालबाटै परीक्षा दिँदै छन्। नेपाल बाहिरबाट एसईईको परीक्षामा सहभागी हुने देश जापान मात्रै रहेको राष्ट्रिय परीक्षा बोर्डका अध्यक्ष डा महाश्रम शर्माले जानकारी दिए।

टोकियो नजिकै जापानको ओगिकुबोमा गैरआवासीय नेपाली सङ्घका पूर्वअध्यक्ष भवन भट्टसहितका ६५ जना नेपालीहरू मिलेर स्थापना गरेको एभरेस्ट इन्टरनेशनल स्कुलमा विसं २०७७ सालबाट एसईई परीक्षा सञ्चालन भइरहेको छ।

परीक्षा बिहान ८ देखि ११ बजेसम्म सञ्चालन हुनेछ ।